 |
| Taa nyekundu imeka kuashiria kuwa magari yasimame kupisha mengine yapite, lakini picha ya chini inaonyesha magari yakiendelea kupita kana kwamba hapana taa hizo pahala hapo. |
Hapa ni makutano ya Br Kawawa na Br Kinondoni, pana taa za kuongozea magari lakini zimekuwa zkipuuzwa na madereva wapitao hapo na magri yao, ama wameambiana au wote wanapajua pahala hapa kuwa ni pa kupita tu. Na pamekuwa pakigongwa wenda kwa miguu mara nyingi tu, hasa nyakati za usiku. Nawaomba wahusika wapatupie macho mahala hapa kabla hapajageuka kuwa machinjioni. Ikiwezekana pawekwe askari wa usalama wa barabarani hapo hasa siku za wikiendi wapige mabao kwa siku nzima ili kuwakumbusha waendesha vyombo vya moto kuwa hapo ni Kinondoni na ni sehemu ya Tanzania ambako pana serikali na sheria zinafuatwa, na si Peshawar Kaskazini ya Pakistan ambako ni maarufu na panafahamika kuwa hakuna serikali wala sheria inayofuatwa huko.
 |
| Gari kadhaa zikikatiza makutano ya Br za Kawawa na Kinondoni huku taa nyekundu ikiwa imewaka kuashiria kuzisimamisha ili kupisha nyingine zinazotoka Kinondoni Rd zipite. |
0 comments :
Post a Comment